“Hindi lang po talaga ordinary people ang mga OFW, they are all incredible people.”
Sa kanyang mensahe matapos tanghaling isa sa mga nagwagi sa Poster Making Contest, ibinahagi ni Rya Morada, anak ng isang bartender sa Japan, ang inspirasyon sa likod ng kanyang obra: ang katatagan at kabayanihan ng mga OFW.
Ayon sa kanya, bilib siya sa katatagan ng mga OFW sa kabila ng hirap at pangungulila na dinaranas nila sa ibang bansa. Hindi lang nila tinutustusan ang pangangailangan ng kanilang pamilya, kundi nakakatulong din sila sa pagpapatatag ng ekonomiya ng bansa.